作為與涂認識多年的朋友，替佢開心之餘，當然要加兩多錢肉緊去支持一對新人。阿涂同女友影婚紗相時著的禮服，都係出自scent of bride=)

一對新人上月計劃趁立法會重開之前影婚紗相，兩個來自不同成長背景的人，自然有不同的心水。由新郎讀書的港大，新娘讀書的中大，到必不可少的立法會大樓（一般新人只可以喺立法會大樓外的走廊影結婚相，呢pair人咁特別，就梗係可以入大樓的範圍啦！）．．．終於要影足一日，由早到晩！勁就勁在阿涂影咗一整日婚紗相，夜晚仲可以接受電視台訪問！換了是其他新郎哥，一早就“冇電”！

冇諗過連影結婚相都出埋街，誰叫他們踫上U-Hall的三嫂！話說當幾家報館約咗三嫂做訪問（事緣係被尊稱為U-Hall三寶之一的三嫂，服務U-Hall四十四年後，獲港大頒贈「名譽院士」），巧遇一身禮服中look返U-Hall影相的阿涂同阿sue，促成了呢張「三個人的婚紗相」。